Булган аймагт “Шүүхэд мэдүүлэх эрхийн хэрэгжилт, үр дүн” хуулийн байгууллагуудын хамтарсан зөвлөлгөөн болж “Эрүүгийн хэрэг хянан шийдвэрлэх ажиллагааны явцад шүүхэд мэдүүүлэх эрхийг хэрэгжүүлсэн байдал”, “Иргэний эрхийг хангахад прокурорын байгууллагын оролцоо”, “Хэрэг бүртгэх, мөрдөн байцаах шатанд хэргийн оролцогчийн эрхийг хангасан байдал”, “Шинжээчийн дүгнэлт хэргийн оролцогчийн эрхийг хангахад нөлөөлөх нь” зэрэг сэдвээр хуулийн холбогдох байгууллагууд мэдээлэл хийж, хэлэлцүүллээ. 

Зөвлөгөөний үеэр "3 ЭСРЭГ 3" асуулт хариултын тэмцээнийг зохион байгуулагдсан бөгөөд тус албаны "Үнэний дэнс" баг амжилттай оролцлоо.

Цагдаагийн ерөнхий газрын Даргын 2019 оны 11 дүгээр сарын 25-ны өдрийн Б/967 дугаар тушаалаар тус албаны гарын хээний санч, цагдаагийн ахлах дэслэгч П.Цанцалдулам “Цагдаагийн ахмад” цол, Цагдаагийн ерөнхий газрын Даргын 2019 оны 11 дүгээр сарын 13-ны өдрийн Б/926 дугаар тушаалаар нягтлан бодогч, цагдаагийн дэслэгч О.Амаржаргал "Цагдаагийн ахлах дэслэгч" цол тус тус олголоо. Мөн Бүгд Найрамдах Улс тунхагласан өдрийг тохиолдуулан эрхэлсэн ажилдаа үр бүтээл, идэвх зүтгэл гарган ажилласан гарын хээний санч,  цаглаагийн ахмад П.Чанцалдуламыг “Хууль зүйн албаны тэргүүний ажилтан” хүндэт тэмдгээр шагнагдлаа.

Монгол Улсын Хууль зүй, дотоод хэргийн сайдын 2019 оны 10 дугаар сарын 25-ны өдрийн А/204 дугаартай тушаалаар батлагдсан удирдамжийн дагуу Хяналт-шинилгээ үнэлгээ, дотоод аудитын ажлын хэсэг тус албанд ажиллаж албаны үйл ажиллагаа холбогдох хууль тогтоомж, дүрэм журмын дагуу явагдаж байгаа эсэхэд үнэлэлт дүгнэлт өгч, цаашид хэрэгжүүлэх арга хэмжээний санал, зөвлөмжийг өгч ажиллаа.

Шүүхийн шинжилгээний үндэсний хүрээлэнгийн захирлын 2019 оны 10 дугаар сарын 21-ны өдрийн Б/415 дугаартай тушаалыг хэрэгжүүлж 2019 оны 10 дугаар сарын 28-ны өдөр жагсаалын үзлэг зохион байгууллаа. Уг жагсаалын үзлэгийг Булган аймгийн Цагдаагийн газрын хэв журмын ахлах байцаагч, цагдаагийн хошууч Ш.Батхөлөг удирдан алба хаагчдын цэрэгжилт жагсаалч байдлыг шалгалаа.

Булган сумын төр төсвийн байгууллагуудын “Нээлттэй хаалганы өдөр” арга хэмжээнд тус алба нь 2019 оны 10 дугаар сарын 18,19-ны өдрүүдэд Булган Хангай Мэргэжлийн сургалт үйлдвэрлэлийн төвийн болон Хөдөө аж ахуйн Мэргэжлийн сургалт үйлдвэрлэлийн спорт  зааланд иргэдэдэд албаны үйл ажиллагаа, үйлчилгээний нэр төрлөө сурталчилан иргэдэд эрх зүйн зөвлөгөө өгч, иргэдийн сонирхсон асуултанд хариулт өгөн ажиллаа. Тус арга хэмжээний үеэр Сайхан Монгол телевизэд шинжээч эмч, цагдаагийн дэслэгч Б.Мөнх-Оюун ярилцлага өгч албаны үйл ажиллагааны оцлогийн талаар иргэдэд мэдээлэл өгсөн байна.

Албаны үйл ажиллагааны талаар сонирхсон 102 иргэнд үйл ажиллагааны онцлогийг тайлбарлан өгч, эрх зүйн зөвлөгөө өгч, 52 иргэдээс санал асуулгын хуудсыг бөглүүлэн санал бодлыг нь сонсож ажилласан байна. Мөн албаны ажлын онцлогийг харуулах зорилгоор тусгай хэвлэмэл цаасан дээр 15 иргэнд гарын хээг нь зориулалтын нунтагаар тодруулан өгч дурсгал болгосон нь иргэдийн сохирхлыг татаж, тэдний талархалыг хүлээлээ.

2019.09.12-нд Булган аймгийн 106,5 FM “Гэр бүлийн радио”-гийн “Мэдээллийн цаг” нэвтрүүлэгт  албаны дарга,цагдаагийн хошууч П.Цогбадрах, албаны гарын хээний санч, цагдаагийн ахлах дэслэгч П.Чанцалдулам нар оролцож, албаны үйл ажиллагааны чиглэл, иргэдэд үзүүлэх үйлчилгээний нэр төрөл, төлбөрт үйлчилгээний талаар мэдээлэл хийж, асуултанд хариуллаа.

Архивын улсын үзлэгийг угтаж аймгийн Хууль эрх зүйн хэлтсээс томилогдсон ажлын хэсэг тус албанд 2019 оны 05 дугаар сарын 22-ны өдөр урьдчилсан үзлэг шалгалтыг явууллаа.